寒風

之前我只知高錕是光纖之父；今天我知道他是一個幸福的老人家。祝一切安好。

忘了光纖 忘不了太太 高錕老人癡呆 妻子﹕不再是以前那個人 【明報專訊】剛奪得諾貝爾物理學獎的「光纖之父」高錕，因患上老人癡呆症，已經忘了自己畢生研究、造福世人的光纖科技，其妻黃美芸亦形容患病後的丈夫「不再是以前那個人」。不過，高錕並沒有忘記同行半世紀的愛妻，

咁快又一個月有多，日子都係咁過，上來話比大家知我仲未死～（其實除左小娟子同靚媽之外，我懷疑冇人睇）

大事如下：

大約一個月前，兩邊前臂耐唔耐就會痕，搲吓就冇事，但唔知由邊日開始就成日都痕，仲要唔退！所以決定去睇醫生...... 等左成個鐘有多，醫生睇左唔夠五分鐘，用個放大鏡望兩望就話：「妳呢 d 係陽光敏感症，唔曬得，出街要搽放曬，著長袖衫，唔搲唔發，越搲越發，唔可以食蝦蟹。仲有冇其他？」

◎＿◎　可唔可以唔著長袖衫呀？輕輕摔吓得唔得呀？

醫生：唔著咪返發囉！摔都係搲！喇～ 藥膏打圈搽，搽到吸收哂為止。冇其他野就出去等攞藥啦！一星期後冇事就唔使返來覆診。

好彩到今日我都未使返去搵醫生，不過就要大熱天時係銅鑼灣鬧市中著住件長袖衫囉......

一個月的時間，可以有好多改變。

總之，要走的走了，要來的來了。。。

希望之後一切都安好，朝９晚８的生活早日離我而去。

好一個星期二呀！自從獲分派了一個實習生之後，每個星期二對我來講都係好珍貴的！因為佢今日下晝放假！！

呢個小妹妹的事跡，一日一項我寫哂出來的話真係可以出本書；或者你們當中會覺得我要求高、不夠耐性等等等... 可是，在一個商業社會裡，誰又會捉住你的手一步一步慢慢行？還有，學一次唔識的話可唔可以寫低記低？可唔可以問？唔好亂試之後又做錯。

唉，我自知唔係一個好的 mentor，所以妳都係唔好挑戰我的耐性了，快快回火星吧...

呵呵呵～ 我一定要好好珍惜今日呢個唔使『冇野搵野出來比佢做之餘又怕佢做錯』的下晝！！

蜜瓜山奇人異仕真係多，繼上一次疑似大富豪小姐後，今日又發現有個癲佬。

呢 "唔係人"（即係鬼！）係人都知佢痴痴地線，平日冇野做就週圍撩女講野，無論妳係中女港女定細路女，佢一無聊係上來就會來撩妳講野！若果妳都唔係人就更同聲同氣永冇走雞！妳中獎了！

冇人同佢講野咩？！佢就去叮麵包～！大家可能覺得沒大不了，亦不會影響到人呀！ＮＯＮＯＮＯ！妳錯了！佢叮親麵包全公司都一定會知道！因為佢一定會叮 "火農" 麵包，次次都好似火燭一樣！！！一次叮過火，我相信妳下一次會較叮短ｄ時間，再過大的，妳下一次定必會再較短ｄ時間的！如果次次都 "火農" 的，我相信只有兩個原因：

１）佢低能＋老人痴呆
２）一心引起其他人注意！

有見呢隻死鬼成日癲唔癲臣唔臣咁，我都一心同佢保持距離，二來亦都唔想成日講英文！不過好唔好彩。。。我都中招了。。。。。。。。。

上星期五係事頭生日，亦都係公司另一個同事的生日，上一年因為某個原因都搵埋事頭返來食飯慶祝；但今年阿姐冇出聲，我就唯有自己約左早幾日出來食飯啦～

本來諗住兩個友仔傾吓計，所以我都冇同其他同事講，點知當我同事頭一坐落就聽到阿姐把聲...... 真係約埋都冇咁啱！

事頭走左咁耐先約一次，一約就比人撞到！仲要係比而家的阿姐撞見，真係天亡我也...！

順帶一提，是日午餐＠大戶屋，又貴又唔好食（我覺得）～
平均一個午餐要＄７０＋...... 點解海嘯都滿座架？

一年一度（？）的釣墨魚盛事係上個星期六完滿結束左喇～

睇到呢篇 blog 的朋友仔都應該有權限去我本面書到睇相的，自便喇咁多位～ ^^9

之前日日都好擔心呢日會落雨，幸好天公造美，只係落左一陣，朋友仔都好好興致，落住雨都繼續釣，亦都好開心大部份人都有收獲呢～

見到大家咁開心，我呢個搞屎棍都好心滿意足呢～ 我真係一個天生的搞屎棍呢... 蝕錢都咁開心！不過就真係要趁機訓練一下我的 EQ 先得～

希望不久的將來再有機會為大家服務啊～～～～～～～

（生仔擺滿月酒的都可以搵我幫手啊～！係呀！同緊妳講呀！）