寒風

2006年11月27日

口痕痕撩妳一齊去唱 K，妳一口答應。呢日係妳第一次注意到我吧？

2006年11月30日

妳在蜜瓜山的最後一日，差唔多唱完 K 時，妳問我的電話號碼…

我的回答是：乜妳覺得妳會搵我咩？！

妳又記唔記得妳點答我呢？

都唔知妳係咪借 d 倚想知埋我住邊架？！妳睇妳丫！

2007年11月30日

妳發現自己被騙了！XDDDD

2008年11月30日

又會點呢？

一朝返到來睇到人地個 blog，係公司到笑死左！

覺得好似我以前個老細阿Jack...... 煩到妳嘔！

十一月十六號，妳在媽媽懷內熟睡了。

本來我以為，我不會太傷心，主要都是關心妳媽媽。

但，一入妳家門，沒有細ｂｅｅ的吠叫聲，屋子實在清靜得令人不慣！
害怕細ｂｅｅ的我一入屋就習慣坐上梳化縮起雙腳避開，但昨天沒有這個必要時，我不知要將自己安置在那裡！
睡覺的時候，沒有細ｂｅｅ騰出騰入，要開門上床黐住媽媽，我就要爭寵反對，而妳就要把我地隔開，河水不範井水；感覺空洞得就像身體缺了一舊肉！

和細ｂｅｅ講完早抖，我看著妳的相片，愈來愈模糊的時候，我亦忍不住了。媽媽都比我堅強！

細ｂｅｅ，要繼續靚靚的和哥哥一起走下去，並保佑婆婆媽媽同埋妹妹哦～

認識妳不夠一年的日子實在太短，希望我地有機會再續未了緣。

愛妳的姐姐
十一月二十日輓

唔知大家有冇「幻想」過有朝一日自己本紅簿仔打開的時會「金橙橙」咁發光呢？⊙o⊙

當然，大家要一步‧步置富啦！

但係呢日未來之前，就等我教大家一個快 d 的方法啦！

登登登！

就係。。。。。。。。。。。。。。。打劫喇！XDDDDDD ←講笑喇！

▼
▽
▼
▽
▼
▽
▼
▽
▼
▽
▼
▽
▼
▽

就係係本簿仔的內頁到裝唔同顏色的 LED 喇！易明 d 的，就即係將本簿仔改裝為聖誕卡咁！一打開就五顏六色係咁係到閃！哇… 諗起都開心！

聖誕節就來到了，仲未諗到送咩比妳的另一半的可以考慮下將妳的簿仔改裝做聖誕卡！（係呀！同緊妳講野呀！！）之後送比佢！哇！！！！一定感動屎！求婚都仲得呀！

送禮自用都一流！一個字：掂！←癲就真啦！(｡-_-｡)

婆婆話我好耐都冇寫 blog 喇！← 係啦！懶到死！不過大家咁話啦！:P

我係懶喎～我一向都認架！見過「正茂里」垃圾房真貌的人一定１００％認同！！ＸＤＤＤ　

不過冇計架喎！又要返工，放左工又要溫女又要溫仔又要炒下飯咁，係冇咩時間打ＢＬＯＧ架喇！最衰就係公司依家都唔方便丫嘛！（廢事俾ｄ煩人見到又問我攞我個ｂｌｏｇ！上次都係因為佢我先要改ｕｒｌ！搞到依家冇咩人來我個ｂｌｏｇ喇！）
另外就係因為屋企部腦仲係長期作死，成日無啦啦自己熄機，鬼有ｍｏｏｄ打咩？！
↑賴咩丫？明明就係因為妳自己少打先冇人上來睇啫！

（死喇！我係咪有ｄ思覺失調呀？？）

---

知唔知我今日個標題係咩？係我鄉下新年呀～～～我邊到鄉下？咪印度囉！妳唔係唔信呀？我係中印混血來架！

話說中四的時候，我同我隔離位的同學仔講：今日係印度新年呀！
佢哦左一聲之後就問我：妳點知架？
之後我就用一個「妳唔係唔知」的眼神同佢講：吓？我係中印混血兒來架嘛！妳識左我咁耐唔係唔知呀嘛？
不過後來我實在係忍唔到笑而篤爆左自己！

到左中六，轉左校，又同我後面的新同學仔講我係中印混血兒來。我今次好叻，冇笑到，所以我仲有理由相信佢到今時今日都信我！！！

咁點解我會知今日係印度新年呢？事源係阿媽一畢業就入左一間印度貿易公司到做，新年係大節，點會唔慶祝丫！佢地個時仲每人有個金幣架！（當然妳唔好想像有幾ｏｚ金橙橙啦！只係ｃｈｅａｐ　ｃｈｅａｐ印度金來咋）仲好似有半日假啦，又有得上老細屋企開ｐａｒｔｙ啦，仲可以好多香港食唔到的地度菜食啦（成日掛住食）...... 雖然我都係個到做過，不過已經冇左呢支歌仔唱喇！

係●乜●都●冇！

除左一包由新抱仔整的咖哩角～

---

唔經唔覺...... 屎下屎下，我地的結精品到目前呢一分鐘只剩下６粒咋！魚地一定要乖乖地快高長大，唔好成日自相殘殺喇～媽媽會心痛架！

---

一係唔打，一打就停唔到手！其實仲有甲由事件想打上來既... 不過係時候做下野，唔係比人炒左連ｔ＆ｅ都攞唔返就喊都冇謂！ｕｍ... 唔係喎！即炒有ｓｏ喎！補水！ＸＤＤＤＤＤＤ

---

５．５０追加：婆婆頭先話我知又屎多３粒啦！即係剩返３粒咋！魚地乖乖地啦！