寒風

尋日一肚氣咁收工，今日返到來公司仍然未能釋懷！事件跟背景都太長篇，未能於一時三刻打上來洩忿！

但我亦要好好學習不要為呢ｄ西人臭八動氣...... 就 po 幅圖同咁多打工仔打吓氣啦！

這個 blog 實在荒廢得有點過份，既然有人投訴每次入來都係見到個心的，我就係咁倚求求其其是是旦旦敷衍吓啦～

其實咁多日都唔打 blog，係咪代表我的生活過份乏味呢？事實上都幾係架...... 不過其實個個都係架啦，日日返工放工冇停手，放左工仲唔好好休息吓咩？唉！越拖就越懶，咁就越來越懶，最終就飽食終日無所用心！

又其實，我想話比大家知我上個星期過左一個好黑仔的黑色星期五，從來未如此黑過！！

黑仔事件之一

Sales 同事係到好開心咁拆糧單收大大份 BONUS.....................

黑仔事件之二

話說有個同事將會來香港，負責打雜的當然要幫佢訂酒店啦！又因為三四月係一般旅遊旺季，住開的平價酒店 1 號都升價幾百；呢個 cash in KING 的時勢就梗係即懶醒咁去搵過間又平又近的酒店 2 號，仲圖文並ｘ畫哂路線圖咁教個人點行... 都算喇！仲要話幫佢取消返原來的 booking！真係搵自己來搞...

好啦... 本來是日好地地咁同班姨姨去酒店 1 號到呃餐晏仔食呀的，但言談間就講起二月個時有人係酒店 2 號到自殺而唔多唔少都帶旺左佢少少生意... 係呢一刻，我個心得個慌字咋！其他人就繼續係到發表死就死遠 D，同埋『冇理由有人唔知』的言論，我就繼續心慌慌咁食牛扒！

一返到公司就即刻上網搵吓單新聞，真係 OMG！！！上哂頭版... 點解之前完全搵唔到睇唔到聽唔到架？！講比同事知又十級低能；唔講一陣比佢發現左以為我跣佢就仲大鑊！都係諗住死死氣打長途電話同佢講的時候先發現...........我冇佢卡片呀！（幾日後先醒起可以上 intranet 搵的 一..一"）所以都係唯有白瞄黑字咁話佢知我低能左！問佢會唔會轉返酒店 1 號...... 真係（火羅）到冇人有... 但最黑仔的係，個日個同事下晝放假！！！

仲有黑仔事件之三，不過要收工走人～ 有緣再續