寒風

文字有機會後補～

淨係得小朋友唱好似仲得意 d 啊～～～～～～♥v♥

<a href="http://video.msn.com/video.aspx?vid=7BCF7DFB-2885-44C7-8638-DD05FF2D9A8C" target="_new" title="Water bird">Video: 崖上的波兒</a>

係 c!tysuper 到買左 d 叮叮 rissoto，有時一個人係公司又或者唔想出街食的時候，真係一個好好的選擇。話平唔平話貴唔貴，都係 $27-35～ 睇吓咩口味啦！係銅鑼灣出街食個飯冇三十個大洋都走唔甩啦！呢個飯妳睇佢細細盒，不過我都叫飽肚，同埋得 200+ cal 咋！減肥一流！！唔夠咪飲包媽媽奶囉～

上次見到有墨魚汁 rissoto！！！！！簡直係我的飛佛！！！點可以唔買來試吓？！

今次就影比大家睇吓啦！呢個比較特別，平時食開的味得飯架咋！今次仲有薏米，好彩我都食架啫！其餘都唔使再講，去片！

盒面指示都未有我咁仔細呀真係！上面係根據我食左咁多盒得出的心得來架！

食完之後就同同事Ｐ落左去買雪糕，買 double 送 double，真係抵到呢～

星期六同日都同左肥雯去放血...... 真係人都癲！

第一日我係銅鑼灣 fing；
第二日到佢係先施同太古城 fing...
都咪話唔勁！（又幾押韻喎！）

『千金散盡還復來』係真的話，點解我咁窮架？

星期六晚同左個肥人去食麻布茶房，連佢都話唔好食～ 但係我真係好鍾意食喎，不過冇人會同我食喇！！！（← 好可憐）

P.S.肥雯見字速速還錢～

散盡家財就貧窮神上身返去黐餐，是晚同何ａ係銅鑼灣 OUTBACK 食飯慶祝生日，唔經唔覺佢已經唔再係何ｂ，而係一個亭亭玉立的鋼牙少女！

值得一提的係，銅鑼灣的 OUTBACK 好食過其他分店好多，不過 BURGER 除外～

表嫂係西港城某間 cake shop 買左石頭蛋糕１號，個樣幾靚～ 何ａ仲話塊餅好好味！我地試唔到，不過無論係個『隔幾夜海綿』蛋糕定係中間層 TRUFFLE 都係硬生生，好有手感同口感！不過為左我ｄ牙著想，都係食兩啖比吓面就算喇～

又因為係何小姐生日，餐廳送個 tall cake 過佢吃～ 一人舀一大匙啱啱好唔使爭，所以都係物以稀為貴的！

何小姐好快就會去做佢夢寐以求的負離子，祝妳成功！

Blogger 的留言唔可以 tag 圖...

唯有係到滋潤吓妳啦娟娟e～



呵呵呵～

就係發完 ti 騰就係到玩自拍...... 玩到個心都創哂！抵鬧！


P.S.覺唔覺 d 皮膚好左呢？其實只係 software 的美肌功能！（爆）不過我最鍾意係嘴唇，好 pink 好水潤呀！！photoscape 真係越用越好用呀！← 娟娟 e 請自行按字 download～

＊＊介子已順利回到我的中指！凸！＊＊

星期五晚上是婆婆的壽宴，放左工等緊阿肥冇咩做就係自己個位到發 ti 騰！搞掂之後一手都係，就去洗個手，之後就返公司執埋野就返西環啦。係等[車立]的時候，就發現自己隻中指空空如也！

死！一定係洗手的時候除低左唔記得戴返！！！

即刻 9 秒 9 衝入廁所搵，求神拜佛唔好有人拎左去，但當我入到去只係見到三個吉了了的洗手盆...... 再周圍望吓都唔見就唯有妄想自己有拎返隻介子，但只係唔記得戴... 再仆返入公司個位到反轉再反轉，都係唔見！！！打左去管理處問又冇，兜兜轉轉來來回回出出入入廁所公司廁所公司數唔哂咁多次，反轉埋廁所入面的垃圾桶同每一個廁隔，之後再扒埋係地下睇埋個坑渠都係冇！最後唯有逐間公司拍門... 但個時已經係差不多八點，得返一間公司有人，不過唯一的女性同事是日冇返工！
唯有走人... 明明知道係邊到唔見，不過下意識都係咁望住個地來行，希望有一絲機會！

好唔開心咁食完餐飯，飲埋苦茶就返入深山了，本來我諗住星期六朝早一早搭村巴返公司問埋其餘個兩間公司同貼告示的，始終拖多一日的機會就越細！不過阿肥話機會本來就好渺茫，又要咁早起身，不如而家返去貼！就係咁，我地就返左公司寫『失物啟示』！真係書到用時方恨少！到底薄酬的英文係咩...？最後唯有中英唔對照（＝..＝"）咁貼左兩張告示係廁所，一張貼左係公司的 pantry 到，另外就每間公司派左一張入去。

可以做的野都做哂，臨走再問多次食蕉再登記多次資料就返入深山了。















今朝 9:06 電話響起！

真係有人執左我隻介子仲肯比返我！！！真係好開心！不過佢唔執起，唔使等我虛驚一場的話會仲開心！但我真係開心得濟，講左一大輪但最後連個女仔姓乜都唔記得！希望星期一返到去見到的真係我隻介子啦。。。。。。

等我又學吓娟娟 e 咁寫個月記先......

24/12 平安夜
公司去左 mr. steak a la minute buffet，原來係 brunch 來的，所以有好多早餐類食物，好搞笑！今年我抽到份最貴的禮物呀！係一枝電動洗牙器，不過我都唔刷牙的，我想要世界電子版大富翁多ｄ囉...

之後同阿姐返左屋企攞車仔，送埋佢上的士之後我就去搵阿肥了，一去到就見到個ａ貨濱崎步！好彩上左色都幾好睇！

媽咪佢地聽朝就上機去台灣喇！佢地出左去食飯的時候，我就同娟娟 e 修甲，今次係紫色底加銀色聖誕花，不過冇影到相呀！搞吓搞吓就十點，冇得食 pizza lu，所以就同左大蛇爸爸一家去左滾，就係咁，就展開左我地滾～的聖誕喇！

25/12 聖誕快樂！
一早就約左肥雯去海狗公園，但係佢大病中，又咩都唔玩，搞到好似我地兩個人自己去咁... 仲有ｄ唔好意思添！佢唯一玩左的遊戲就係激流，可能佢的目的係想乘機搏我懞！搞到我成身濕哂！！！第一次濕到咁，根本就係兜頭淋 ＝..＝

之後我地就去食尋日食唔到的 pizza hut 喇！哈哈！

26/12 Boxing Day
冇禮物拆就唯有出去市中心買吓聽日十吓十吓的禮物同野食啦，因為各不相讓，最後不歡而散。

後來食左咩呢我地？

27/12 蜜瓜山 gathering
公司入面生仔的生仔，生女的生女，個個都有小朋友咁濟喇而家，好難再約去唱ｋ或者出去十吓十吓，所以我就襯屋企冇人貢獻間屋出來比大家一齊玩吓～

一早... 係起唔到身的，食得野來都已經３點有多，買埋菜菜之後就落元朗買海鮮，就仆返西環準備喇，連我想食的日式腐皮都冇買到呀！！！

其實都幾開心架，咁多小朋友，真係好得意，不過ｄ大人就慘ｄ囉，因為要照顧ｄ小朋友搞到冇啖好食。我都冇咩得玩架喇，一味係到煲吓切吓洗吓搵吓摷吓到最後抽吓影吓同寫吓晝吓咁，都冇咩機會 enjoy 吓～

食完上半場，清理吓現場之後，就叫左大蛇爸爸佢地來繼續滾！希望你地唔好介意啦～ 滾完再執埋野上得床都已經４點，真係搵自己笨呀！

28/12
係最後一日假期喇，瞓到三點幾就同埋新朋友仔一齊去尼斯食野，四個人食六個下午茶餐，唔肥就有鬼！返上樓玩吓冇英文說明的 uno spin =..= 同超低能的兒童版大富翁，真係益智到呢～

吽吽吓唔覺又夜晚，係時候出去食野喇，漫無目的之下去左稻香滾，個湯底又幾特別同好味喎！之後又再見吓個新朋友仔去尖沙咀 sugar 到摸門釘，繼而就轉去松記食 summer！

29/12
媽咪佢地返來喇！我放左工就上左 11 樓同大蛇爸爸慶祝生日，冇耐就落去好彩食飯，跟住就再返屋企同娟娟 e 修甲！今次有影相喇！！登登登櫈！靚哩？