寒風

蜜瓜山奇人異仕真係多，繼上一次疑似大富豪小姐後，今日又發現有個癲佬。

呢 "唔係人"（即係鬼！）係人都知佢痴痴地線，平日冇野做就週圍撩女講野，無論妳係中女港女定細路女，佢一無聊係上來就會來撩妳講野！若果妳都唔係人就更同聲同氣永冇走雞！妳中獎了！

冇人同佢講野咩？！佢就去叮麵包～！大家可能覺得沒大不了，亦不會影響到人呀！ＮＯＮＯＮＯ！妳錯了！佢叮親麵包全公司都一定會知道！因為佢一定會叮 "火農" 麵包，次次都好似火燭一樣！！！一次叮過火，我相信妳下一次會較叮短ｄ時間，再過大的，妳下一次定必會再較短ｄ時間的！如果次次都 "火農" 的，我相信只有兩個原因：

１）佢低能＋老人痴呆
２）一心引起其他人注意！

有見呢隻死鬼成日癲唔癲臣唔臣咁，我都一心同佢保持距離，二來亦都唔想成日講英文！不過好唔好彩。。。我都中招了。。。。。。。。。

上星期五係事頭生日，亦都係公司另一個同事的生日，上一年因為某個原因都搵埋事頭返來食飯慶祝；但今年阿姐冇出聲，我就唯有自己約左早幾日出來食飯啦～

本來諗住兩個友仔傾吓計，所以我都冇同其他同事講，點知當我同事頭一坐落就聽到阿姐把聲...... 真係約埋都冇咁啱！

事頭走左咁耐先約一次，一約就比人撞到！仲要係比而家的阿姐撞見，真係天亡我也...！

順帶一提，是日午餐＠大戶屋，又貴又唔好食（我覺得）～
平均一個午餐要＄７０＋...... 點解海嘯都滿座架？

一年一度（？）的釣墨魚盛事係上個星期六完滿結束左喇～

睇到呢篇 blog 的朋友仔都應該有權限去我本面書到睇相的，自便喇咁多位～ ^^9

之前日日都好擔心呢日會落雨，幸好天公造美，只係落左一陣，朋友仔都好好興致，落住雨都繼續釣，亦都好開心大部份人都有收獲呢～

見到大家咁開心，我呢個搞屎棍都好心滿意足呢～ 我真係一個天生的搞屎棍呢... 蝕錢都咁開心！不過就真係要趁機訓練一下我的 EQ 先得～

希望不久的將來再有機會為大家服務啊～～～～～～～

（生仔擺滿月酒的都可以搵我幫手啊～！係呀！同緊妳講呀！）

呢個蜜瓜山龍蛇混集，只要你豎起隻耳仔，隨時都聽到不少特別野。

好似我咁，今日難得帶飯，但食食吓就比我聽到以下內容（原文照錄），嚇到我想噴飯......

某已婚女經理突然好勞氣......

「都話唔使咯！」
「．．．」
「我一百磅都冇減咩肥呀？」（哦... 原來係推銷電話！）
「．．．」
「你使唔使我 send 張相比你睇我有幾 fit 呀？我唔使減肥呀！！你地唔好成日再打來呀！」

大家係呢個時候不妨想像一下此中年女經理的外表：
皮膚深啡，偏乾，身型瘦削（大家可以想像為比 Dodo 肥少少同黑好多之餘又乾巴巴）
經常穿著低胸（但又冇乜睇頭個隻），最經典一次係 deep V 至肚臍，同時後面露背...... 嚇到以為自己去左大富豪 (lll ○д○)