寒風

今晚是 CSS 最後一晚。在沒有預計的請況下，6 折 K 成了 Farewell Dinner。以這班同事來說，今晚已是很盡興了~ 最近才認識 Cherry，有一條長長的辮子，第一次在置地看到這個人只覺格格不入，cool 到爆，又 causal！所以話，人不可以貌相。她是我識的女性中唯一識揸車的！今晚見識了她手車，很配合她的性格~ 有點相逢恨晚的感覺。而我今晚才驚覺黃慕貞都識揸車！@______@

送大家一首歌：《情義兩心堅》劉華 / 《黃慕貞 之歌》孫耀威

黃慕貞 不必驚怕聚散………

兩個名都咁娘~~~~~~ 點解唔比人唱《給我愛過的男孩們》？唔比人名曲滿天星架咩？

下次約人要遲到先得，早到兩個鐘，情況跟極速放血沒差！下個月卡數大大大大大鑊喇！今日仲碌左我張卡，仲有現金收回，我一定會使埋今日收到的錢，下個月都唔知點好咯…

聽到石頭的話劇史，即時噴飯！！！！好想好想睇呢！（聰蔥，知唔知邊個係石頭呀？）

今日亦係大埔的最後一日，早睡早起的日子相信唔會再出現，下次要拿屎上身的時候真係要諗清楚。

頂天立地有多好？只要抵得住睡魔，你就可以袋袋平安！唉~ 我使唔使一齊頂天立地去阻止佢的仆街呢？但我好累啊！睡魔和銀錢，睡魔比較可愛一點~ ^_________^

回應各位擔心我的親朋好友：
在現在這一刻可以改變我的處境的只有事頭和自己。我決定了會看到續約才有一步抉擇。而事頭會做而又可以做幾多大家心裡有數。所以我大部份都係呻下者，不需要太擔心（不是不要擔心喔！），我份人咩都要講，只是看那天誰人不好彩給我捉個正著，要聽我 belibala… Anyway，都要在這裡對聽過我發 up 風的說句：謝謝！

安仔，
我知道你們的苦心，我亦知道再見亦是朋友不是一件易事，連我自己都做不到的事，不能要求別人，亦不能去投訴。我只是覺得很累人，不做朋友不代表要做敵人 / 仇人，有你無我，是不是有點兒偏激？當然我亦不想 soso 無辜中箭，但在一天累人工作下仍要多多顧慮，我才有感而發吧！

最後，我還是覺得，自以為是的人永遠不知道 / 認為自己有問題。

辛苦到令人氣餒的工作。

同事又回復病假日子，一個人又做兩個人既野。
走難的手尾每日走些出來，何時了？
同事們合理的要求，時間有限，又做到幾多？

我知道自己在意別人看我的眼光，所以我才這樣賣力工作。近來同事知道我同書店 msn，日日拿出來講，我不是放低，部住個 msn 唔放，一句起兩句止，況且別人亦不是 24 小時一直在線和我 msn！點解要日日拿出來講？佢唔聽電話我又會知點解啦！不知張生是想和我開玩笑還是甚麼，竟然加入 msn 戰團… 我真的很介意別人認為我不是在工作（尤其當我做到仆街，水無得飲，廁所都係一日去兩次的時候），是不是不 voice out 不叫救命就不是做野？所以我今天忍著淚死都要完成必要的工作！莊小姐要幫手我亦拒絕。我不是不要人幫，只是跟自己鬥氣，要證明自己…

晚上去到影相，看到他們，你暪我、我暪妳… 老實說，很煩人，沒有多少時候是真心笑著的。可幸的是，家貝帶回了秘書處的口水簿。（← 上莊時與其他秘書講人是非的簿，死未？仲要搵本簿來寫人是非！）都不記得原來在我辭職時有這麼多人撐我，只記得劉仆街… 人就是這樣賤格，永遠只記得人家欠自己的，到死的一刻還在折磨自己。但聰蔥那類人就永遠只會記得人家對自己的好，到死的一刻都在響受，好幸福。

回到家就好想哭… 好累好累… 十分氣餒了，明早還要日日做到無停手…

介紹個人比大家認識認識：

Law Lai Chin

安仔：不要緊啦~ 最主要去唔成的原因只係我公司走難者… 反而約好你們但我爽約更加唔好啦！不過很期待 3 月之旅有你份呢！

星期六

累…………… 少看了工作量，高估了自己。

一朝唔知醒，彭彭聲洗頭返公司已是 10:30，但看見同事在 msn + 講電話（手提），而所有山頭是完全原封不動！！！那早早返來是搞甚麼？呃錢都要有個鋪！火滾起上來自己開始清第一個山頭，同事仲可以厚顏無恥地問我使唔使幫手！我唯有答：唔使！你繼續講電話。她才死死氣收線。臨急臨忙無食早餐都無乜力水搬野，到 12:00 都已經開始累到不行，但都要等到 1:00 聰蔥放工才可一齊吃飯…… 餓住個肚做 d 比較輕巧的工作。

因為晚上會和聰蔥看棟篤交響樂，所以他還是上了公司，但我聲明了事頭唔出錢，聰蔥係唔會出力的！所以聰蔥上到去就是打機，打完 PSP 打 NDS… 仲打到枝筆都唔見埋。事頭係到的時候，聰蔥就真係可以咩都唔理，但事頭走後，聰蔥就真的要出手了。一日的勞動量已令到我和同事手騰腳震，實在再 bit 唔出任何奶力去推 / 搬 / 移動比較重少少的箱，除非兩個女仔一齊出手，再唔係就聰蔥出手。聰蔥真係好到不得了！丟丟下，越丟越過癮，丟到唔知時間係時候走人。又要彭彭聲整理好個垃圾崗才可鬆人，我唔想星期一耳仔受罪。在這裡亦請同事們多多忍讓。

由公司行出碼頭真的好遠喔！我地仲要行去最出的 8 號碼頭！！！再一次彭彭聲食完貴價黑面但好味你茶軒就趕去紅館。完場才想起原來姑姐們早看一場，話笑到肚彎，但點解我唔覺既？叫我比$ 120 去笑下我都願，尤其在這個時期，我願意付出金錢去尋開心、買快樂（如果買到的話）。但未致於笑到肚彎囉… 而且心情根本放鬆不了，開懷極有限，但已經好左好多架喇！

回到家個腦已經 hang 哂機… 沒有任何奶力去打 blog，只能看著蘇絲黃在天一半地一半，越看越火滾… 下世她只能做蟑螂吧！（有的話，我下世應該做樹…………）

12 月中的旅行實在太多變數… 銀彈不是大問題，但時間、地點和人腳就好大問題！

本來預訂 2 對人一齊去，現在 2 對變 2 個… 臨急臨忙又可以找誰有假有錢又岩玩呢？

多搜集別人到蘇碧灣的遊記，發現意見實在係分歧太大，有人話個海好細好污糟，有人話好簡陋：有人話好正… 唔知去好唔去好…

唔去的話，到底係邊到都唔去定去第二到呢？有些地方我不太想兩個人去，如泰國、台灣… 但聰蔥又好似不想跟團… 去邊到又要諗一大爛餐…

又，是頭今日確認要走難日… 賓果！聽日六合彩頭獎我既！開中我放假前的週末！！！是頭一早知我放假仲揀呢兩日代表無我份都得，但我個心會囉囉亂囉…………… 好似好不負責任咁… 但聰聰又請了假，我改假都無用。況且同事「家中有事」，人手買少見少，實在不忍心見到是頭一腳踢煩到嘔。唉…


今晚買到唔停得手！！！喔~ 發癲咁將一件件 100 個娘的衫抨上身，嚇自己又嚇親人。現在買野模式係見到岩就買，在置地返工可以著返以前的衫唔多，要買的話貴又買唔起，平又唔見得人… 你可以話我虛榮，但我真係過唔到自己個關。所以見到岩而價錢又唔太貴的話我通常都會買。所以今晚我起勢咁買買買，連唔應該買的都買埋，如扭蛋同超貴米老鼠聖誕帽！當然我背後有可愛的聰蔥提款機照住啦~ 大水喉唔惹少架！

今天的我很任性。

直到今天，我仍然放不下。

有了中秋，我才這麼重視重光紀念日。

可惜，重頭到尾都只有我一人。

星期五晚，認識了差不多十年的他是第一次打給我訴苦。2 個多鐘頭的電話，勸不聽，教不聽。戀愛就是這樣折磨人。他是真的愛她的，打來說要放棄，我鼓勵他，他打退堂鼓。


今晚，看到她的 msn space 才主動叫她。開了她的 msn window 兩次才 send 得出一個 message。從來都不看好的關係，可以說的不多。

我是白姐姐喔！整天叫人分手。

又再開了第二個他的 msn window，message 打好了還是關上，硬生生收回。

他們都在我最失意時陪伴過我。今天，還有的，就只有他。

一次任性，失去得太多。

要結婚了（不是我喔！）會幸福吧！^_______^

今天一整天都和 bb 豬一起~ 你可以收起一點點可愛嗎？我快不行了~~~



CIMG2078



Hello~~~



師奶仔



邊有 bb 好似你咁架~



變態阿媽教壞細路

我的自制能力竟然比我的社交能力還要強？又一次證明了學歷≠知識。

哈哈哈哈~ 戀愛能量最高… 戀愛大過天！三年零八個月萬歲！！！！！

另最正確的，就是感性了~ 的確，我淚線極度發達！（我都戶口都發就好囉~~~)

Continue to my last post, when I passed Harvey Nichols this morning, I found the window dressing is changed and it is correct now!!!!!!

I highly appreciate that they can change that quickly! Just a night and just like nothing happen! Amazing...

And just a night, Landmark is decorated for Christmas~ Lovely Christmas~~~~~~ Really want to take a picture with those beautiful decoration. Hoho~ Not rush~ I will see them everyday in the coming month! ^___________^ But for sure I will take picture with my colleagues here and Chung Onion before we move out.

低能語錄 2

小肥在香港某主題公園做帶團，日前工傷，有破相之虞咁話。
小肥：我呀！去熊貓館個時呀…
魚咖旨：咩呀？妳比熊貓 rea 呀？妳應該開心啦，最好有疤添呀！見證嘛！比國寶 rea 喎！

另，我想我是香港開埠以來第一個影貼紙相會影到 pat pat 肌肉抽筋！！














今日放工見到有個女人叫左個 Harvey Nichols 的 sales 出來，望住個櫥窗指指點點…

比大家一齊研究下有咩問題。

我想，這個問題，只會在 Landmark 這種地方才會有人指出… 亦想不到 Harvey Nichols 的 window dressing 都會犯這種錯…

***

有線套不良家族開頭無無聊聊咁，但都是因為有愛，才令一班完全不相關的人連在不起。香港就是少了這些另類題材喜劇，只懂抄作… 我覺得無話唔好睇，只係無誠意，不過大台咩都唔做只播雪花的慣性收視都可以打贏對台。

***

和聰蔥玩手指… 打破慣常。嘻嘻~

有冇咁多病呀？明明尋日仲巴巴閉咁著件冇就衫返來，今日就病，係人都知你龍野啦～

明顯同事係趁住多人唔係 office 就 sick leave 啦～　你地又冇得催佢交 price list 喎，佢又可以　un un 腳唔使做，人地好大壓力架 ma！！！

老細叫我唔好去想人地的 intention，話咁會開心ｄ，但人地寫明係個額頭到：我搵你笨！我又當時運高睇唔到呀？

今晚跟 3 個怨婦晚飯聚餐，嘩~ 上一次咁的人腳已是在 2 年前了！！2 年前的我在 Bematek 做，日日得閒到打爆機，那裡無 PK，EQ 好到不得了；2 年後的我回復當年讀 U 時勇，差不多日日一門五傑。

講回今晚，很久沒有這麼開心了~ 是多得魚咖旨呢！（哇！妳好勁呀！有自己名字的日本料理！但又唔請我地去試菜，妳真「低調」喇~）

低能語錄

雯：哇~ 呢到真係前舖後居喎！個廁所入面有梳化架！丫呀！唔係~ 我差 d 想講錯梳化添，係花灑呀！(er... 吳小姐妳已婚講錯左，同埋妳是用梳化沖涼的嗎？）
----------------------------------------------------------------------------
魚咖旨：我老細講野好得意架！佢自己做錯野，佢會話：『丫呀！今次笨蕉左喇！』
雯：下？咁搞笑，佢係米用愚便個笨呀？
小肥：Yo~ 跟我講 10 次，餘便個笨，愚笨個便…
魚咖旨：e~ 你乳脹呀！（之後演化為奶脹多…）
----------------------------------------------------------------------------


去發記食甜品
小肥：芒果黑珍珠
雯：芒果豆腐花
魚咖旨：芒果西米露
我：芒果沙冰

哇~ 一台食整個芒果家族，有仇咩？

上甜品後
雯：e~~ 我忽唔到芒果呀，咁大舊！
（但全台唔知點解只有小肥一個有叉用… 肥雯想要之際，叉就被小肥就收起）
小肥：我唔用都唔比你~
魚咖旨：我跌落地都唔比你~
小肥：我了完 c 眼先比你~
我：唔該比多 2 隻叉我…
魚咖旨：不如你問佢要筷子丫
我：係喎，岩個形多 d 呀可！

肥雯頂唔順開始反抗：妳地信唔信我放個胸上台丫喇！
小肥、魚咖旨和我：唔信！你放丫！
肥雯：我唔會架！
----------------------------------------------------------------------------
仲有好多好多都唔記得咁多… 下次要 take minutes 先得！

發癲發到屋企都唔記得返，阿媽打來才驚覺已是 11 點，11.10 散水後約 11.15 上小巴，11.37 到屋企樓下，比 2 倍的價錢慳回 2 倍的時間，但落車時好想嘔！
----------------------------------------------------------------------------
OT 的日子將會重新展開，放低今日黑足我一日面。睇下邊個死先？

琴晚去可可食消夜晚飯時發現原來那裡是有椰汁馬豆糕的！@____@ 我從未試過呢！不過都怕不太好食，因為我食過很好食的，最後決定今日找大姑姐教我整~~~

材料：
馬豆 - $2 （唔知幾多…）
花奶 - 1 大罐
椰漿 - 1 小罐
粟粉 - 大半碗
砂糖 - 1 碗（視乎個人口味）
大菜 - 10g
水 - 6 碗

步驟：

1. 將馬豆洗淨浸水約 15 分鐘，以馬豆 5 倍份量的水小火煮稔（小心滾瀉），離火蓋著備用
2. 將大菜浸稔備用
3. 將粟粉和花奶搞暈（睇下邊個暈先？），無粒粒，滑脫脫就為之 perfect 喇~
4. 水 + 糖 + 大菜（浸的水唔要）煮滾
5. 落（粟粉 + 花奶），之前要確定無沉澱物，慢慢落，邊落邊搞
6. 落椰漿
7. 落馬豆（有多的水唔要）
8. 滾後倒進模具，待涼後可放入雪櫃

Tips:

• 唔怕血管栓塞 / 貪平的可用大罐椰漿，將花奶改成 1 -1/4 小罐，減糖
• 模具可選用不锈鋼的，比較易倒出。無的話可先用保鮮紙將模具包好，但要小心表面有鄒紋。

***

11 月 20 日是甚麼日子？自己想想吧~ ^______^

***

看到姚嘉妮結婚和肥杏失意女主角獎兩段新聞，都叫人有點戚戚然。

***

避到無得避，既然明知，何苦仲要打給我？好一招以進為退……
Yes, very possible to lose a friend. And actually, I have already lost all of you guys.

哈哈哈~ 看見了有拉褲鏈的吳國勁和有拉褲鏈的吳國勁，但聰蔥只看到無拉褲鏈的~ ^____^ 很奇怪為何會有人揸車到這裡買雜果士多啤梨啫哩？很奇怪為何會有藝人到這種幫襯？仲見到 Sam Hui 的簽名！！！

講開藝人，一般人看到了，要叫身邊人看都會是小聲的叫：「快看！是 XXX 喔！」亦只能用眼神示意是哪個方向。不是第一次了，之前見到楊千化、長頸鹿（還要一晚兩次呀！）他聽到了，卻找不到方位；但昨晚看見了阿夢，和今晚看見了阿勁，我告訴他但他卻以為我在自說自話！喔！放過我吧！他今晚看到阿勁是他好彩，因為吳生要去洗手間，之後還等要一段時間的外賣，盲的才會看不到。

聰蔥呀~ 到底你的耳仔有甚麼用途呢？人家在你背後說得那樣大聲你都聽不見… 偶爾借一下我你的耳朵，好讓我在公司時耳根樂得清靜。

但潛水就有點兒那個… 有差不多 800 度近視 + 散光的我，沒有眼鏡和盲妹沒兩樣，點潛？所以這是個一直想做激光矯視的原因。


今天發現，我的地理真的差得可憐，無論是香港的還是世界的。

靚媽琴日就話見到對平底 boot 想買，我就話我今年想買有跟的（聰問：咩跟呀？子孫根呀？你就想！）但看到就覺得唔舒服，揀唔落手；平底又驚係上年的永吉街款；揀到有對諗住博下又無我碼；最後千揀萬揀還是揀回一對平底 boot。

而奇就奇在：我同佢的 taste 一向都好大分歧，佢鍾意的我會覺得好娘同核突；同樣我鍾意的佢會覺得好姣等… 但竟然今次我地買（想買）埋同一對 boot！！！
--------------------------------------------------------------------------
知唔知咩叫肥田無人耕，耕開有人爭？哈哈~ 我就是肥田喇~

點解突然間咁多 bookshop 都話要見我呢？呵呵呵~~~~~~ ^_______^

點解平時電話好日都唔響下的我，今日放工時會 call waiting 到唔夠用而令我冷落了聰蔥？（賴得就賴）

點解突然間無人生日但又咁多人叫我出去食飯？

是因為這樣嗎？得難得回復到中高水平的心情被一個又一個的大浪蓋過，今日直插谷底。

連提也不想再提。

提不起，放不低。

Tamama 離家出走嗎？找了一晚又找不著… 工作實在太累人，不論是工作量或人事關係都叫人累得無可奈何… 要走就走吧！反正我不是一個好主人。如不是老細個老細個仔想要的話，可能我已忘記你了！（事實是根本已忘記了…）中秋過後，仲要在中環咁的鬼地方邊有他媽媽閃閃波賣呀老細？真係大哂咩？

PK S&P 咁死有錢又唔肯買 Nescafe，我雪入雪櫃貼少張貼紙就即刻飲我既，頂你個肺丫~

為何這個世界有這麼多自以為是的公主呢？（雖然我以前甚至現在都被標籤為同類）真的好很難頂呀… 一堆怪物反而識講人話，一個公主就在亂 up 廿四當眾出醜。點解無人制止佢呢？癲還癲，唔好搞到我。返完一日工的人好燥底。我將你的野做好唔好多多聲氣唔該。我有我的原因、習慣、處事方式。

公主是在何時變成眨義詞的？

黃宗澤

明天黃生會來了！在忙到癲的日子仲拖行馬來，真係「多哂」啦！
-------------------------------------------------------------------------------
轉載

自我中心的人不會看見別人的需要，因為自己太重要了；
自滿的人看不到自己的進步空間，因為問題只會出在別人身上；
自我價值低的人不懂自我肯定，因為他們不懂愛自己。
-------------------------------------------------------------------------------
心多的人諗左諗右

去旅行又諗下泰國、新加坡、澳門… e+ 仲諗埋蘇碧灣，你有十萬九千七未開頭唔使做呀？不過在香港，即使你真的有十萬九千七都要做到仆街。有無留意我個薄落多左粗口呢？我都覺，不過真的要調節一下，否則我會癲架！！！

安仔，諗諗佢~ Zoobic!!!!!!!!!!!!!!! 幾時會 final confirm 地點呀？唉丫~ 人多去又煩，兩個去又悶！唏！
-------------------------------------------------------------------------------
看來我有需要開多個薄落亞撐比我發洩發洩…

近來，天氣燥、人燥、同事燥、身邊人燥…

工作辛苦是難免的事，每人都覺得自己的事是最煩人的、最苦的，你這些又算甚麼？我做的比你苦十倍… 同事如是、朋友如是，所以，我一直最喜愛和傳統 programmer 打交道。甚麼人是傳統程式員？你們口中 doo doo 地、點極都唔係好明，但又有智、有識的 programmer 就為之傳統程式員了。聰蔥就是最好的實例了！他們比較簡單，不會事事計較、執著，但他們一點也不蠢！他們有我沒有的知識，有我沒有的能耐，與他們一起會輕鬆一點。

可是，商院人就比較圓滑一點，懂得避重就輕，四兩撥千斤。相處起來會有多一點點樂趣，同時亦請預備多一點點小人之心。

見我兩者篇幅差距之大，就能辨我喜惡了。

今天，第一次將公司做不完的工作帶回家 — 貼郵票。這是到目前為止唯一我想到可帶回家做的工作，除非有天我都是用 notebook，不過暫時看不見有這樣的一日。可能上兩個月你叫我將所有目錄抽出來貼貼紙再封口，我會媽媽聲，但今天，即使我媽到你上天棚也好，我仍然要做，所以我會將媽你的時間省回來做我要做的事。

同樣，交 MP 是事在必行的事，你媽到上撈化到都要交，倒不如那那聲求求其 update 完交比佢，塞住佢把口之餘，張生不用難做，你亦不用動用整個周末去為這個人勞鬼氣傷身，同事耳朵亦好過點，再者你得罪她又會好過嗎？（你不怕強權？你唔等錢開飯？那為何仍待這裡？出面大把好工等緊你！）一舉四、五、六得，何樂而不為？仆街一街都係，你又勞氣得幾多個呢？當然你可以話我在說風涼說話，如你覺得我現在是在風涼的話。

再者，你的工作是谷 sales，煲大路書是最快的途徑，meet 唔到筆直就被人炒。但她的工作是她的 product，在香港一 d HSSL 都開發唔到就她被人炒。每人有不同的工作崗位，各位其主，這樣想，會不會好過一點？

偶爾媽叉一下她，洩下憤，之後米又再努力工作囉！放鬆 d 啦！香港人~

記住：請你好好放低~ ^____^

哇哈哈哈哈~~~~~~~ 行完了行完了行完了！！！！旅程沒有想像中辛苦，但當然一點也不輕鬆。聽說最快的人只行了 4 小時便完成，我？行了 6 個小時呢！雖然我當日清醒的時間不足 4 小時，但晚上還是很睏喔… 但在平時這個時候，坐在電腦前的我，是何其的精神！（當然第二天要吸毒是另一回事啦~）

可惜，看不到日出，是方向的問題吧？下次去石澳會不會好一點？

但我們看到親愛的獵戶座呢！為何是親愛的？因為 OOD Astronamy 拿 A+ 的聰蔥只認識它喔！最親愛便是它了！^_________^

之後大昏迷了 8 小時，下午 4 時才醒來，但不論是身、心都仍是十分累… 但我這個時間還在打日記……… =_____+ '''

這個名詞都遠遠不能夠表達我對她的不滿。有沒有甚麼好提議？

有 fax 屎報紙又唔死去拎，一朝返到來就死癡住張凳，有寶呀？個時就巴 Q 屎閉係到 e 牙鬆降又話我唔做野，我頂佢個肺，咁你 e+ 就好能勤力啦一定！日日忙住 msn 、meet 唇皮、無那那又唔見人幾個字，一副唔使做咁的死人樣！！總之就乞人憎到嘔 >_____<

成餐飯就做 PR 同百彈齋主，小那媽，咁能勁你唔好去煮？唔好日日食麵包同白烚圾垃丫！

個客問個 phone in 柯打做左未，check 機只得個 04 年的 transaction，即係無做啦！無做都仲唔做，仲要死撐話：「你唔係同我講架嘛？我一 d 印象都無既？」頂~ 你除左食同懶之外仲有咩有印象架？我報完個 courier charge 之後你就懶好咁做個柯打啦！二來 non-adoption 的柯打我先唔會幫你做。三來我無做文苑柯打好耐。仲要問幾次：「係米英國梯圖呀？」妖！你無眼睇架？煩唔煩呀？賴屎都要咁能大聲。吔 ke 啦！

仲要成日聽人講電話，做大喇叭！你真係好能乞人憎呀！

不過，我先唔會 OT 比你呢條八婆。早抖啦！

我和肥田一樣，一直都想找尋一個與自己心靈相通的男人共渡餘生。

聰蔥就有點像家輝哥，對我好好，而我就是不懂珍惜。可是，我沒有去找我的大四喜，相反，我要求家輝哥變成大四喜… 口裡說著不要為我改變，但心裡卻要求他達標。

到底，這樣對你是否公平？還是，我應去找我枝莖？

不過，我知道有「若要人似我，除非兩個我」這句說話。所以，我心理一直要求你達標。

說到底，都是我太貪心：又要 K 又要莖。

今年的 Halloween 真係好很熱呢！仲記得舊年係著件 ok 厚的長就衫去 LKF 的，但今年… 我著住件吊帶背心都覺得好很熱呢~~~ ⊙____⊙''' 仲要十分之多人同十分之迫，dull 路 dull 得有點兒過份，又馬莎上 LKF 要同半粒鐘，行到傻… 唔會再試用 2-1/2" High heel 長征… 今日（2/11）仲痛緊… 頂~ 星期六點行呀？

有 d 「鬼」真係好 pro 呀！隻 ABC 見到我驚仲要突登跳埋來我到…… 佢係真係跳埋來架，唔係行架！你比糖佢食，佢會聞完之後跳走架！又唔會影影下相有電話響喎！不過要忍得笑同成晚唔可以講野… 同埋之後可能會口臭… =__=

我以為我都好屎下，點知原來有 soso… V 哇鬼叫…

見到 Khiel's d 姐姐頂帽好靚，斗斗城同石板街都無得賣。早知叫佢唔使送 sample，送頂帽比文小姐啦~ 丫呀~ 蠢哂… 噢~「走左」0___0

中環的 Triple O's 唔夠 PP 的新鮮、好食~ 下次試埋 TST 個間。

Halloween 相片

總結今年經驗，我下年係唔會去海水公園的哈佬喂的… LKF 對我來講已經夠嚇了……

安仔：

見字請叫梁漢漢 / soso send 返 d 相比我丫~ Thank You~~ ^0^ 或者 send 條 link 比我都得~

另，已請假。請盡快確認行程。同埋我想改變主意去 Singapore~~~~~~ 3 日 2 夜夠哂數~ 正！
-----------------------------------------------------------------------
《世界真細小》唔係只係歌詞，而是事實。永遠都要冤家路窄，想見的人就撞唔到，但唔想見的人就… 唉… 還是唔想見的人比想見的人多，所以就大 d 機會率？等我計下先……

老細又殺到… 唉… 筆直呀筆直…
-----------------------------------------------------------------------
黃山之行開始了。