寒風

放工喇～！！

上順德第二日去左洗腳趾（即沐足），但之前都會同妳按下膊頭先，唔知係咪之前一晚要 "呢" 係個被窩入面搞到瞓矮頸，個膊頭勁痛，比佢搞到我鬼練咁叫… 所以星期六我地又北上喇～

婆婆向來都好鍾意食小籠包，上次有人帶過佢去大陸的鼎泰豐，佢今次就興致勃勃咁帶我去喇！第一次搭大陸的地鐵乍我都係！基本上同香港的分別唔大（除左 d 人囉…）搭左一個站就去左一個好港式的商場，婆婆就好有目標咁帶我一路係咁行係咁行… 行左去掘頭路！鼎泰豐呢？！原來搬左，新舖又未開！

唯有搵第二樣野食啦！本來婆婆話食味千拉麵隱陣 d，但佢又想食咖哩喎，所以我地就試左馬拉爸爸喇！我地估呢間舖唔係大陸人開的，d 人比較上有 sense 同 efficient，最起碼唔會「未訓醒」先！（雖然有 d 都係… 哈！）收緊香港的價錢所以係大陸來講一 d 都唔平，但佢都物有所值！最 highly recommend 就係個甜脆酥餅（一定要叫「甜脆酥餅」，唔可以叫「甜酥餅」或者「脆酥餅」，佢地會 hang 機架！相比香港的松記，我地次次都叫錯「翡翠明珠」但都落o岩個「幻彩明珠」，真係冇得比！） 真係幾好味，婆婆仲食到停唔到口！



不過我地身邊的人都唔鍾意上大陸，介紹來都冇用…

真係多得 Eddy 令我重生！
如果唔係呢個聖誕一定會好唔開心......

今晚，我又一個人睡...

黑暗日子於毫無預料下開始！

呢幾日都有 family gathering，兩口子唯有小別３天了！再見已經係浪漫的平安夜了～

婆婆，妳好趁呢幾日破我紀錄喇！:P

今日係你的最後一日了，就想起這首歌...

最後一塊
歌手：Cookies 作曲：B. Chan 填詞：黃偉文 編曲：Billy Chan

曾到我們手　以為永遠還有
浪費了才知　不夠永遠擁有
像吃光了那盒　藍罐的曲奇
才驟覺　好的時光　最後

還是從黑暗裡溜走　告別摯愛朋友
臨散去才知　共誰最最親厚
但我想趁最後　還有這溫馨滋味
能讓你分一塊牽走

＊誰離開　誰連戲　誰人必須執行李
　共你都分享過　這年夏季　曲奇的美味
　重提起　仍甜美
　來年各有各遠足　幾百萬里
　願記憶成為營養　倦了補充你力氣
　(願這曲奇成為你　行過深谷那力氣)＊

和你吃茶點　那時我最愉快
愉快到未知　經已最尾一塊
直到知道快樂　無法再取之不盡
才學會珍惜第一塊

REPEAT＊

來日有多幾百樣美點　同樣誘惑你
賣相很精美　然而也代價不菲　沒法比
當時年紀　粗糙也任性　那滋味
那些　不必添加　自製的甜美

第 x 次同居

次數越來越密了，妳會唔會覺得悶呢？會的話，如果又可以保持新鮮感呢？

第 n 次富豪

今次，應該係第四次了。之前都搞到咁冇癮，都冇諗住會再去，同埋都去到好悶喇… 不過今次，妳老闆竟然有咁 so 的野，唯有妳地出雞，我出豉油啦！（HK$100 機鐵車費 ←好肉赤…）唔使錢，就唔好要求咁多喇，是是旦旦求求其其得過且過就算啦～ 最正就係仲有兩間房，一間我地，一間比將會返香港的兩老，簡直係 valley 骨啦！

不過再一次，天有不測之風雲，大約十點半到，就收到 mami 的電話，佢地因為機件故障，唔知幾點先返到來香港！⊙０⊙ 之後班機直情 sCHeduled 左去第二日的下畫！我知道左之後就即刻打比兩老話比佢地知，等佢地可以催下航空公司 d 住宿，唔使留落街頭。

到左第二日，去航空公司 confirm 班機，點知又話改晏左… 點知到左三點幾又收到 mami 的電話，話已經返到來！都唔知搞咩… 拿拿淋接左佢地返屋企就去我的第 y 次覆診喇！

第 y 次覆診

真係完全唔記得今次係第幾次了，只知道已經做完手術 8 個幾月了，左眼仲有 25 度散光，右眼就有 75 度散光，但睇野就真係麻麻… 乾 d 又睇唔清楚，夜晚又睇唔清楚，唔夠訓又睇唔清楚… 所以到依家都仲有得 free check up :P

又因為之前做佢 d 問卷，其中有一欄係問「醫生的講解」，我的評分係：十分唔滿意。自此就除左我個主診之外，仲有另一個醫生係到，上一次係阿差（我估好 senior！）今次就直情係另一個醫生幫我 double 驗眼。戴住個眼鏡，係黑暗中佢比粒光我睇，我直情見到一粒星星咁！＊ ←簡單來講就類似係咁啦… 而婆婆（人地０度架）睇到的就只係一粒光… 醫生話係角膜唔平均，所以叫我考慮做多次，會改善的機會有 90%，但 patient 覺得有改善的機會有 70%，但我都要冒險度數可能會變多… 如果係咁的話，就要做第三次！！因為我角膜夠厚… 咁到底係好定唔好呢？婆婆角膜就太薄，只可以做一次，個醫生不容有失！我就夠厚做 3 次，個醫生就求求其其… 搞到我依家要涯多刀… 之後仲要一日、一星期、三個月、半年咁去覆診…………

天呀！我唔想我有篇 blog 係第 z 次 lasik 呀！！！

要走了，以後的日子還是要過，但可能，會更難過！

要講的，只有一句，祝前程錦繡！

你說的話，我會記住！

現在嚴正聲明，本人已名花有主，於可見的將來都會幸福快樂～

所以，任何對我有興趣的人都可以死左條心喇！因為我個心只放得落一粒車厘子！

Thanks for your kind attention. :)

再係咁就到我入廠啦不如。。。。。。

29 Nov

放工之後就入左元朗比比蕉，因為要係寒風下呆等半小時，所以開始燒的時候已經有飯味同「火羅」味，不過我地身經百戰，梗係好快就冇事啦！

寒風寒風比比蕉
妳的身型唔會窈

好句！

為左第二日密集的行程，燒完就打道回府交人比周公，不過之前都要炒下飯先，唔通頭先食唔飽？

---

30 Nov（是日休息一天）

原本 plan 好今日一早出鯉景灣食早餐，跟住就同妳去釣魚，之後就去唱 K（是日必做！）

不過。。。。。。世事又點會盡如人意呢？一早就發現有人… 搞完一大輪，到出門口的時候，個太陽都已經曬到去 pat pat 喇！食完個 tea 之後就入悲情城市天水圍食 buffet！（勁唔勁？）仲游左個大花園添！6110 呀！真係多得你的反應咁快！

天水圍悲唔悲情我就唔知，但我就覺得 d 人好冇文化同冇禮貌，除左口音之外同大陸人冇咩分別！不過我地梗係唔會比呢 d 影響我地的屎 weet 「真正」相識一週年啦！

我地
好 c weet 咁食左成打生蠔（我連續第三日喇！）
好 c weet 咁邊食 cheese cake 邊清左一枝不明來歷的紅酒
好 c weet 咁食左古古力雀巢雪糕同紅豆雪條（仲有唔好味的豆腐雪糕←都話架啦！）
好 c weet 咁拍拖行街街
好 c weet 咁去左飲野（成日都想灌醉我！.\"/.）←唔知仲以為我好飲得！
好 c weet 咁獻出左我的第一次！呵呵呵！
。
。
。
。
。
其實只係掟飛標！！都話係第一次，梗係輸比妳啦！我覺得都好好玩，下次再去過丫！

我地今日好叻好 c weet 咁過左一日，一次飯都冇炒過呀！但本來話要去的地方，一個都冇去到…

雲吞車厘好 mimo
遲一兩粒不為過
個日節目個日諗
唔好搞到其他人

---

1 Dec

白豚肉早飯。。。

豆潤午餐：豆潤豬潤米線 + 豆潤豬排炒烏冬，食完都仲係好空虛。。。今次我地冇去探人（貓）呀！不過就有人係到裝吓裝吓囉～

之後我地竟然去左沙田！我仲諗住除左還神同送人之外，就唔會踏足呢個地方添！本來都真係要去還神的，不過最終都係冇去到，我地只係去左 IKEA 啫！因為我地又唔信 6110 所以又兜左個好大的圈！又一次證明唔可以完全相信自己的眼睛。

同婆婆買左張枱比佢放係房擺電視，如果可以駁埋 now 同 DVD 機的話，妳就真係可以三步不出閨房喇！我自己就買左張超姣 pink pink 櫈！五件散件加埋共 700 個大洋！所以之後冇錢食飯......！(。-_-。) 真失禮...... 又自己包餐懵的！不過都抵，因為婆婆讚我叻，遲ｄ可以轉行去做包裝工人（其實妳係咪真心讚緊我架呢？）不過都唔緊要啦！遲下幫妳洗埋露台我仲唔係 100 分婆婆？！

之後信返 6110 一次啦！平安去到強記食雞粥，不過去錯左呢！呢間強記都唔係個間強記！我地係去左沙田麗豪酒店隔離個間，但其實應該係去大圍個間！←仲好近我地去食炸雪糕個到添！下次再去食過啦！

係飽到嘔咁濟的情況之下咁圍住個投注站行左個大運～ 唔知我地有冇中到呢？不過個時太夜了，如果唔係妳就可以「到此一投」啦！哈哈哈～

兩個傻婆四圍遊
每個地方投一投
中左六彩唔使愁
一谷五口樂悠悠

返到深山砌完積木大洗完一輪訓得已係五點的事！！變左熊貓粉紅●ω●

---

2 Dec

可能係最早出門口的一日！３點３！勁唔勁？！（好去屎啦！勁～慢吖嘛！）因為要交人兼賠罪。

出左置樂食腸粉燒賣糯米雞～好味道！不過實在太多人！人又多車又多。。。泊架車扭多兩下就連坐緊張枱都冇埋！o_０ 所以妳唔好怪我泊得衰先得架！雖然都真係幾衰下！但我冇時間吖嘛！

拿拿淋行左一陣就買左兩大扎花返屋企交人喇！真係平靚正！最靚就梗係由婆婆插啦！♥