寒風

阿 paul 唔 687 的時候妳真係估佢唔到...

大家知唔知下面↓兩幅相係咩來？係我的早餐呀！－.－不過已經有隻好月巴大的曱甴食緊囉.........

我係一個小器的人，我認。但我絕不會帶住面具去做人！我未必有能力做到不平則鳴（但相信亦不遠矣，看在妳眼中，是愚蠢的行為吧？），但我一定會黑面同避見一ｄ我唔想見到的人！舊同學係，咩人都係！

娟，我唔會接受妳的道歉，因為妳根本就冇錯！道咩歉呢又？如 cherry 所講，妳的道歉只會令我地心痛！所以唔好再講喇！妳的留言我亦會刪除，希望妳明白。我地係一世的表姐妹，我真係冇嬲過妳地呀！何況個晚係妳的大日子，臨尾一腳都要妳唔安落係我的錯先真！要道歉的人應該係我！對唔住！妳嫁到妳愛的人我要為妳高興，亦衷心祝妳快樂。

而其他人的道歉，我唔想聽亦一樣唔會接受，因為我知道我唔會原諒，亦請唔好迫我帶上面具去笑住話冇野！我做唔出！有人要假仁假義我管唔到，但唔好要我同流合污，多謝合作！

我亦係一個固執的人，決定左的野冇咩人可以動搖到，所以其他人唔好嘗試去說服我喇！如果唔係我只會繼續避聽電話。

最後，我竟然可以見識到一家真正的冚家長，是幸或不幸？！

去廁所洗杯，順便排埋毒的時候有大發現～

話說洗完隻杯就照吓鏡啦，照照吓有人入來喎，就即刻轉身入廁所，咦？都幾靚女喎，仲要係第一次撞到呢個女仔咋！

入到廁隔，就比內力！呵！比我發現原來幾靚的人痾ｄ屎都好臭架！！！！！

本以為尋晚有覺好訓，敷完 mask 就拿拿淋上床訓覺，我亦不負眾望好快就訓到 (oo) 一樣……

但點知…… 到差唔多天光的時候，我隻左腳小腿就抽筋！十級痛！！一路叫自己放鬆放鬆放鬆，但都唔得就坐左起身摔左幾野再訓過。但之後就到右腳抽住抽住，不過唔係抽筋！其實我都好快就訓得返，不過今朝醒左一落床的時候，對腳簡直唔係自己的一樣！！！好似跑完馬拉虫咁極痛！

唉！都好耐冇試過訓訓吓抽筋架啦… 比個好覺我訓吓得唔得呀？？？

踏入老鼠仔年，今年冇吉星照住的我好似比舊年犯太歲更不濟…

上星期五覆完診去左做色，來左齊陰！！我個人一眼就覺得有ｄ似裕尾，但返到公司竟然有人話我似薜海皮！！都幾開心架～ 不過婆婆同埋 mami 都話係比人仆頭個時就似喎…… 哼！

星期日又同婆婆試左 set 頭，都幾好丫～ 不過以我的速度應該要四點起身幫妳 set 完頭先可以整自己…！哈哈！不過好煩呀！最好都係係出面搵到平靚正啦～

之前仲躊躇緊點減肥，點知星期一就來個極上胃痛！其實都痛左一排，不過痛吓唔痛吓睇醫生都斷唔到症啦！加上上個星期又係群眾壓力下戒左幾日咖哩同咖啡，所以又好左ｄｄ～ 但星期日晚開始真係勁痛，醒左之後又再痛過，無奈下都係去左睇醫生，個醫生好堅定咁話唔係潰瘍！唔使照胃（咁早知我唔去養和睇啦！）仲好堅定咁話唔係我ｄ螺絲菌返發！而係腸胃抽筋！同埋我最痛個位係直腸喎… 仲話要對症下藥（我都知）但我食完藥都仲係痛喎醫生！！！天呀！咁就冇左 $480 喇！！！好肉痛呀！！！

而家我食咩都痛… 食碗粥都痛，又冇咩胃口！不過都好的，天然減肥～ yeah！