寒風

有 d 意外... 事源朝早 9 點就打去談生到掛號，要等 33 個！！！！一等就等到兩點幾！之後仲要等埋雲吞老人渣（大家唔好怪佢，老人渣 d 手腳係慢 d ......）睇完簡直想殺人！！！！頂丫！之前一早都問過談生係咪要係佢到吹氣，佢又話係係係，係佢條命喇真係！求求其其聽下個肚再用個肺來講兩句野之後佢竟然同我講：可能 d 菌未清得哂，不過我寫張紙比妳去港健到吹左氣先啦。

咁點解我要食 5 個禮拜藥？點解你一早唔寫定比我去吹氣？點解我要餓住個肚水都冇得飲去等你咁多粒鐘？！我仲要 9 秒 9 搭的士落去西營盤到吹氣！真係激死我！！！仲要收我咁 #$*&^ 貴！！！！唔係有得 claim 我真係同佢死過！！！！！！！！！！！（e 呀～～～～～～！暴走中！）飛返的落西環食野攞車就砰砰嘭嘭咁飛返出銅鑼灣開始我的第一卷...

係呀咁多位～ 我由「人」升左做「神」喇！名副其實的「學神」！！！！以後銅鑼灣好危險架喇～ 冇乜必要都係少去為妙～ :P

哇哈哈～ 我實在太有天份喇！連師傅都讚我渣得定！（等佢可以講電話 ＝.＝）定係我名 C 出高徒呢？XDDDD

妳好討厭架！跟跟下人又扒人地頭影人地！（仲要不只一次）好彩個相機係我到啫～　係到 dull 左唔知幾多個圈先可以 dull 下出去紅綠燈 ... 不過一出去就出事，又 dup 到仆哂，又比阿毛頂住頂住，仲睇唔到轉燈，再係最後一分鐘先打燈 ...（又比妳鬧 ...）

差唔多尾聲的時候師傅同我講：學多兩堂會梗會有進步既！不過差在多定少架啫！（e？你係咪串緊我呀？？）

下次再比 d 心機！！！！！（燃燒中！！！）