寒風

無啦啦發現機場富豪有個好抵的 Summer Package，俠客車厘一見到就話好想去，終於揀好日子就去啦！（雖然之前都有 d 波折…）

呵呵呵～ 其實都真係好抵！每人 $500 + 10% 就有 3 餐食同 suttle bus service！因為新手上路，我地由本來只有 lunch buffet 變左 3 餐都係 buffet！食到我同自由車厘由肥變好～「月巴」！我仲ｃ冇前例咁食左成打生蠔！！！Yummy！:P

不過大嶼山 d 人就真係唔係幾信得過！
明明行 3 分鐘就到酒店的 4 號停車場，有人話比妳知要行 10 分鐘；
明明未食完野但返埋個位到就見到比人清左台；
明明要行 3-5 個字先到的 Skyplaza 4D 影院，有人話比妳知只要行 3-5 分鐘；
明明架 lift 只可以上到 L5，而個人又係 L5 的時候，有人會叫妳搭個架上 L6！

24 小時內比人坤咁多次…………

不過成個旅程都好好玩，好正！我地兩個懵閉閉就好似自由神咁係咁搵路、問路、影相… 幾經辛苦先行到去戲院，我地又遲到了…… 我諗睇少左起碼 10 分鐘哈利仔（呀……），不過自由車厘都仲要變身做俠客車厘丙下人先入場！:P 原來呢套唔係 3D 版（原來 IMAX 先係呀！），只係特效版！咩叫特效版？

咪就係：
聖誕節落雪就有ｄ雪花飄落來；
有雨就有水淋落妳到；
放煙花就有 d 煙遮住妳睇字幕；
噴香水就有 dd 的水花；
仲有好大風囉！
完場仲有好多好多肥皂波吹出來添～

之前又見到 Maggie Market 到有介紹過機場有個好似好好玩的機舖，其實我本來都驚搵唔到（因為機場的水牌實在係好「清晰」！）又驚車厘子唔啱玩... 不過好彩我的堅持！！！我地先有機會玩得咁開心！機舖分兩面，一面係玩好似日本筋肉雷台ｄ野；另一面就真係機舖，但ｄ機就正好多喇！

包括有：
兩個人隨時輪流揸的會郁的車；
FING 到妳傻的頭文字Ｄ賽車；
玩完會「馬上瘋」的跑馬仔；
仲有鬼屋同好多好勞動足以夠消耗３餐 buffet 的機動遊戲機！(＞v＜)/

ｄ手手腳腳甩哂之後就拖行返去酒店，但中途竟然俾我地見到 CHERRY 旅遊巴，點可以唔做下自由神影低佢呀？妳影完到我影，影左好耐，影咁耐就有個男人望足咁耐，點知... 原來佢係架巴士的司機來... ＝.＝ 之後都係繼續拖行返去酒店。返到去就即刻試下新買的泡泡浴～ 真係正到呢～～～～～ 好多好多泡呀！


一覺訓到大天光之後都係食食食，食完之後再訓訓訓，訓醒再來多個泡泡浴先 late check out，真係疏乾到呢～（但都仲係好攰架！）我地今日仲識左７仔呀！小白有伴喇～

但我竟然好白痴咁揀左同日下晝繼續我的學神傳... 攰到咁仲要渣成個半鐘，落車的時候個轆咪就係直情係甩得出來啦！好彩有住家飯食吓，麻雀仔打吓，iPAMPER 吓補充能量，唔係今日都唔知點返工...

不過真係一個好開心好開心的旅程～