寒風

上星期五肥雯請我地食飯哦！ 唔好以為佢好 cheap，間餐廳都唔錯哦～ 不過我諗今次都食左佢半隻車 lu！見妳咁大手筆，等我還妳一個大胸願望啦～（見上圖）

一坐低就見到張小型心心生日卡（明顯係情人節的貨尾），落完單就送妳一隻紅雞蛋同一杯冇酒精的有氣飲品，我地叫最平個餐，開頭見碟碟都細細份仲驚唔夠飽，點知原來食到尾都真係好飽！大食的可以叫ｄ貴ｄ的餐，多ｄ野食～

（＊溫馨提示：最好就叫其中一個 course 係飯／意粉啦，如果唔係唔擔保飽唔飽架～ 仲有就係唔好叫鱸魚拼大蝦，保證唔飽！）

食完個甜品，就全場黑哂播生日歌，出火焰雪山（食夠＄３００就送架喇），有姐姐幫我地同個雪山影相，影完我地個部就到餐廳個部，之後就淋火喇！！！！！好正呀！（本來 upload 左個 video 上來，但 size 太大拖到我上面幅圖都冇埋同大家ｄ機死哂就唔好啦！）

食醉飲飽之後諗住埋單啦，係呢個時候就有人送粒魔蛋同埋一張妳頭先影的相整的年曆卡，真係好 impressed！我今個星期五又再去喇！今次係火立生日呀！