寒風

大家睇到呢篇 blog 的時候，我應該已經係機場了～ 今次是第一次自己搭飛機去旅行哦！←都廿幾歲女啦！仲好意思講出口！都唔知個醜字點寫！一_一" 而打呢篇 blog 的時候，有人咪係到好忙咁執野 iron 衫囉！早又唔執！成日最後先來沖廁！臭（四）架嘛！

呢個旅行真係一波十幾折，由決定去到今日執行李都唔知炒左幾多次飯！！！意氣說話講過唔知幾多次：「唔好去囉！」但個心都係好想同妳過一個外地的生日的！

本來去台灣係諗住近近地同平平地，另因為有人太肥屎都唔肯去泰國（雖然好想去同膀胱玩遊戲）。一早諗住２４號去四日，所以請埋星期一休息，但點知有人痴呆症發作走去約人２７號！因為呢件事都炒左好多好多次飯... 唉！我請早一日假讓步後，２３號只有一團去 lavender farm，其他地方又悶到爆，而我們想去的花海團就仲未確認成行，但都報左先啦！心諗個個都唔報就梗係唔成團啦！但人生又點會咁平坦架？７日前咪收到通知唔成團囉！就連遲一日每人貴三百個大洋的團都取消！咩世界呀？！！.\"/.

第二日仲唔拿拿聲做格價專員搵平 package 咩？！今次同事好介紹，真係好平喲，但就踢一踢郁一郁，報ａ價覆ｂ房，心血少ｄ都比佢激死＋嚇死～ 但我而家身經百戰啦，日日比人激，心平氣和左好多架喇！←搵鬼信咩（啋！）唉～ 而且又有人 -(oo)- 多要求呢！又要平又要方便又要有浴缸之餘仲要身家清白！即係到今時今日都仲有房的有人又會問點解佢仲有房賣呢？唔通佢有「ｘ」？早一個月前的話就可以做吓 research 的... 其實到到呢個地步我都冇咩氣架喇，妳話點就點啦！（但明明講好左咩都係我搞哂，佢只係負責去就得啦）唉～ 最後係上星期五先 confirm 到酒店房咋！真係好驚架...！

plan 行程
一 confirm 係自由行的時候已經即刻買左本旅遊書，成個銅鑼灣的７仔同ｏｋ只得一本，冇諗住可以差成咁，唉，去大客仔到買過！正呀！呢本仲有６頁係介紹花海架！詳細到爆！我煩少樣喇！呵呵呵～ 一有時間我地就拎本書出來貼貼貼... 出奇地，我地貼左好少咋！咁都好，由於我地主力睇花（台北陽明山正直馬蹄蘭花季同大溪一年四季花海），而且兩個地方都係好好好好好遠，用足兩日！所以留係市區的時間真係好有限。幸好台北出名的是夜市！可以玩完返來食餐勁的！
到星期一同事問起我個行程 plan 成點，我先驚覺我地仲停留係貼貼階段（即係想去邊去邊去邊，但完全冇諗過幾時邊日同點樣去囉.........）為免去到炒飯，我用足一日時間去篇排我地的行程！係公司攤哂４本旅遊書出來，諗吓邊日去邊，點樣去，同搭咩車去第二點等等等，真係頭都大埋！有咁詳細得咁詳細，影印埋地圖 group 埋哂必去的地方再 print 張 list 出來！仲 detail 過旅行社呀！簡直可以媲美姨媽媽的結婚 schedule！勁呀！最搞笑係同事問完我攞來睇完之後話勁多字唔想睇！

而我的行程就等我去完返來再話比大家知吧！ 大家祝福我地開開心心咁出去，唔會炒飯，快快樂樂咁返來吧。

並預祝妳

生日快樂～