寒風

尋晚臨訓覺時警告阿 paul：以後都唔可以飲到咁醉！周街食埋同一條糖！仲要比人見到！醜死鬼呀！但妳竟然同我講：吓～？我地幾時有食過糖呀？？咩糖呀？邊到呀？？○＿◎"

好！就等我同妳時光倒流！

尋日去左唱 k 呀～好耐都冇唱過喇！不過有人走私左大大枝芝華士去作反！好... 我就由得妳飲... 但好明顯 d 人都係唔識得節制啦，起勢飲呀飲，飲到：我冇野喎！（不過行唔到直線之嘛...）真真正正的飲飽食醉之後，因為未肚餓食下一餐之餘，架車又未夠鐘喎，所以就同左貪婪一家、姨媽媽同隻醉貓去左「歡樂天地」（真係時光倒流咯！）。

呢個曳鬼，醉親都痴哂線周到辣慶人，唱錢的時候係咁，連掟彩虹的時候都係咁！！！真係激死我喇！！！！！！！不過細細個好叻呀，佢隨手一掟出去，第一擲就中左隻公仔喇！唔通真係童子手？咁不如幫我揀 6 個冧吧啦！唉，千金散盡之後仲換左架掃把佬比大蛇爸爸，阿 paul 仲話第時我地玩多 d 飛換 d 我地想換的野喎（聽住先啦，都唔知係咪酒後「真」言來既）。跟住卓琳仔要夾糖食，隻醉貓又話要食，叫我夾多 d 超酸的可樂奶咀比佢食，我自己就揀左 d 唔酸的～　本來各有各食好地地，但 d 人見到我擔住條可樂虫之後又話要食！仲要食埋同一條喎！之後？咪比幾條行過的仔睇到○＿◎囉！

唉，我都冇咁好氣喇，拿拿淋揸車返西環再出去打個夜邊爐！邊個揸車？我估大家都唔會比隻醉貓掂個軚盆的，所以... 即係我囉！如果史迪仔唔係架巴士而係架小船仔的話，大蛇都可以幫到吓手的... 哇！今次係我一個人揸車呀！好緊張呀，條路又係第一次行喎，不過都總算安全到埗！係比的士司機砵吓咁啫...

但好可惜，有人實在飲得太醉，落車的時候有人好勁咁抱卓琳仔落車，但無啦啦跌低左！當時人事後仲堅稱冇醉到，而理由就係：我 pk 都保住細細個喎！係咪冇醉先？！◎_●