寒風

上個星期四比阿媽呃左我請食飯，今個星期到我報仇！星期一同佢放血先～！捉左佢去食韓國野，有大食大，叫返個燒牛骨飯食吓先，不過都係咖哩牛肉飯同韓燒牛肉飯好食 d！都唔係貴就真係好的。之後觀音開富話去「田太太」到買曲奇第二朝做甜爺爺早餐，遲返公司都要跟住去啦！原來有人買到做埋 VIP，每個月都有一次優惠，唔怪之得啦～

係地鐵站行返上地面的時候留意到兩邊牆的香港旅遊發展局的廣告，見到一個好唔鍾意見到的樣！不過好開心喎，即使三十度高溫下，但個心都即刻涼哂！讀書個時 d 人成日覺得自己高人一等係咁倚做過吓兼職 model 就周圍串串共，辣著唔少火頭，當然我都係唔妥佢個個啦！因為呢個人個名太普通到一級有兩個，為左以之式別，我地會叫佢做 Mon dell chan！（註：Mon dell 係 model 的法文讀音）畢業之後一年總有一次半次機會見到佢的硬照廣告的，見到咁多次，今次真係襯哂佢呀！今次係咩？之唔係扮人老母囉！仲係要比人「調理」個隻添！妳都有今日咯，人地廿零歲仲係做緊青春少艾的時候佢已經要去扮人老母！（做人阿媽的睇到既，唔好以為我話妳呀！因為妳真係人地老母來架嘛！:D）