寒風

不知不覺，一星期過去了，上次因為同事同阿姐同時放大假，我根本不可能放假陪阿 paul 去覆診... 所以今天覆診，不可以再掉低太上皇一個人去受刑了！

都唔使講大家都知道我地一定係遲到架啦，今次足足遲左一粒鐘～ 不過好彩而家可以用八達 doo 比錢！唔使排隊，yeah！上到去等吓呢間房又等吓個間房，等到十一點幾就有得入刑場喇！同左阿 paul 入去，阿「醫生」根本連咩事都唔係好清楚，係呼比螢光筆入眼呀？明明就係螢光濟啦醫生！睇完一輪，阿「醫生」就話冇事啦！close file 喇！之後就咩都唔講！阿 paul 就問點解仲會有由眼底谷住的感覺？

阿「醫生」就話：我唔明妳講咩喎！我都唔知點解喎！我根本都唔明妳講咩！總之妳冇事啦，以後唔使返來喇！我開ｄ人做淚水比妳唔舒服就滴啦！

我同阿 paul 除左妳眼望我眼之外，都唔知可以講乜做乜！真係無語問蒼天！

之後去拎眼藥水，又有得用八達 doo 比錢！又唔使排隊！拎完就返西環瞓左陣就再同媽咪四姨媽再加兩隻豬去左飲茶！點解ｂｂ池又係歲半，細細個又係歲半，無論係 size 定係語言能力都差咁遠架？？！連三字經都識背... 真係 OMG！飲完茶已經開始風雲色變了！同媽咪買完餸返到屋企已經講明會掛８號風球，我上網見到阿同事聲稱要幫我做埋好多單先走得，個個走哂得返佢係到～

係呢一刻，我覺得我呢日假放得好抵好值得呀！！！！！哈哈哈哈哈～