寒風

上上個星期六三姨媽入左醫院，所以上星期二同姨媽媽上左瑪麗探吓佢啦～ 氣色都幾好丫，希望妳身體健康！

走的時候見到姨媽媽拎住大大袋野，問佢咩來又神神秘秘，我仲以為係佢公司ｄ野添！！點知返到西環佢就塞左袋野比我，話係我同 CH 同埋雪雪的聖誕禮物！噢！好開心呀！係 08 年第一份聖誕禮物呀！

已經等唔切同另外兩位收件人，更別提 boxing day，一返到屋企我就即刻拆來睇吓先！包得好靚架！

Home is where the cat is!!　

好多謝妳呢份咁有心思的禮物啊！我地好鍾意呀！阿雪仲想親口多謝妳呀！

P.S. 唔知怕貓咪的姨媽媽整呢份禮物的時候有冇手震震呢？