寒風

上次白小姐同宋小姐生日的時候來左食飯，餐廳就送返 $220 cash coupon 比我地！有效期一個月，擺吓擺吓就快到期，就趁要覆診同阿肥去食個免費午餐～

根據上次經驗，一個人係食唔哂成個餐的，但兩個人嗌一個餐又十級樣衰，所以都係焗嗌兩個：一個吉列豬扒，一個吉列海鮮（兩隻蝦＋魚柳＋蠔＋帶子），我再加多隻蠔...

野食未來就磨吓芝麻影吓天花啦～


野食來到就梗係食野啦，唔通仲影相咩～？！

食冇兩舊已經有火燒喉嚨的感覺，唔知點解上次都冇咁誇張！折墮ｄ講可以話係啃落去的，不過總算食完... 我地只係要補 $20 啫！不過火燒的情況就持續到晚飯時間都冇好轉，所以浪費左媽咪一番心血煲的勁胡椒豬肚湯... 一..一 不過都好的，食一次（我其實係兩次）死左條心，以後都唔使再來食貴野，留返 d quota 去日本食正宗的吉列豬扒，哼～～～～～～～

p.s. 驗眼結果：左眼 50 散光；右眼 50 遠視... 返到去想哄個頭埋個魚缸到睇清楚ｄ，一來個缸有弧度已經難睇；二來左眼唔夠光又睇唔清楚，右眼近得濟又矇，遠又睇得唔清楚... 真係有苦自己知！不過我都係認為 lasik 係做得過的！大家睇阿肥到而家都係 0 度就知啦！明顯就係個醫生的問題！依呀！！！！！！