寒風

一直都冇諗到去邊到倒數生日，係屋企數階磚又或者同周公慶祝都冇咩所謂～

但呢日下晝就見到好耐冇見的爸爸 online，仲無啦啦問我幾時食飯添！！！哇～ 真係好比面呀！擇日不如撞日喇不如，就係咁，就約左出去尖咀食野喇～

大約８點先貢到出尖咀，再執埋個唔識搭巴士的阿肥（因為知道去尖咀難泊車，好難得可以叫得郁佢唔揸車出來！！）就走入海港城呢個大迷宮！我估我地再搵多三個字先搵到 LCX 入面的 Califonia pizza！好耐好耐都冇見過爸爸喇～ 佢今日仲好官仔骨骨添！仲有好緊要的係，爸爸唔覺得我肥左！（雖然心知肚明自己重左幾多...）

我地三個人叫左一個沙律，一個 pizza 同一個意粉，另外一人一杯 iced tea，好似 cwb 個間好味 d 喔！不過唔緊要，我的目的都係爸爸！←大家見唔見我個樣好奸呀？不過一般人都係唔明點解架喇，呵呵呵～ 而我亦都奸計得逞，好開心爸爸會同我講咁多野～

人越大，工作經驗越多，就越懷念 bematek 的工作時光啊...

（唉。。。有點唏噓呢。。。）

生日都係講返開心野，既然爸爸出雞，我就出豉油啦！雖然我地食到好飽，但我都提議行去尖東的 sugar 到食甜品～ （順便套多 d 料嘛！:P）之後我同阿肥就搭返巴士河返深山，其間我又比細細個老笠呀！哈哈哈！多謝豆豉媽咁有心添啊～

爸爸，多謝你請我食飯哦！